Si hai una cuestión alredor del asturianu nel qu’esiste consensu xeneralizáu ente les fuercies polítiques ye la creación de la especialidá docente d'asturianu, cola esceición única del PP, belixerante con cualquier asuntu que tenga que ver cola llingua del país. Nun yera asina nel 2012, cuando llevaba'l so reconocimientu nel so programa eleutoral.

El Caricós y el Cuévano celebren Samaín.

Los dos chigres polesos axúntese esta xornada, Nueche d'Ánimes, pa entamar delles actividaes que va rematar Tuenda con un conciertu. El Caricós va ser sede de la primer d'elles, a les 18 hores, col comienzu de recepción de calabaces pa la esposición que se va facer nel llocal.

Pasa a organizase na Plaza Nueva.

Tres cuatro años na Plaza d'Abastos, llugar que presenta deficiencies estructurales anguaño, l'amagüestu qu'entama Entaína Ribeseya coincidiendo cola cercanía a la Nueche d'Ánimes cambia d'ubicación. La Plaza Nueva ye'l sitiu escoyíu pa instalar la carpa onde van desendolcase toles actividaes esti sábadu.

Esti miércoles ye la Nueche d’Ánimes, una xornada mui presente na nuesa tradición anque anguaño contaminada pola so versión estauxunidense: Halloween. Pa esta fecha hai previstes delles actividaes nel país alredor d’esta folixa de raigón celta na que los espíritus de los muertos tornen al mundu de los mortales.

La ex conseyera d'Educación y Cultura va ser la candidata del PSOE a l'alcaldía.

Por una diferencia de 19 votos sobre 836 superó Ana González a José Ramón Tuero na segunda vuelta de les primaries socialistes pa escoyer el candidatu a l'alcaldía del PSOE nes eleiciones de mayu. Tamién fora la que más apoyos recoyó na primer vuelta, onde Constantino Vaquero quedó fuera de la carrera.

El casu de discriminación por emplegar l’asturianu cola Alministración por parte d’una funcionaria de la Conseyería d’Educación y Cultura finó coles disculpes del Gobiernu por esta situación. Reconoz que se vulneró’l derechu de la ciudadana a usar la llingua asturiana qu’afita l'artículu 4.2 de la Llei d'Usu.

Ochobre despídese col mayor temporal que se recuerda nesti mes nos años últimos. Dende la nueche del vienres hasta esti llunes Asturies vivió xornaes de muncha agua y nieve que, sumao a que los árboles nun perdieron entovía les sos fueyes, acumuló numberosos problemes pola cayida d'exemplares y cañes.

Esti gallardón reconoz a les meyores obres teatrales n'asturianu y gallego-asturiano.

El II Premiu y Festival Nel Amaro de Teatru Profesional en Llingua Asturiana y Gallego-asturiano yá conoz a los cuatro finalistes qu'aspiran a asoceder nel palmarés al 'Llázaro de Tormes' de Carlos Alba 'Cellero'. Les obres que pasaron el corte del xuráu son 'Aire', de Producciones Nun Tris; 'Hansel y Gretel', d'Higiénico Papel Teatro; 'Garráime que lu mato o La lloca hestoria d'Asturies', d'Escenapache; y 'Disculpe caballeru', de Zig Zag Danza.

Per segundu añu siguíu, la propuesta de resolución del PP pa “rechazar la cooficialidad del bable” valtóse colos votos de Podemos, Izquierda Xunida (IX) y Foro, cola astención de la FSA. La Xunta Xeneral tamién aprobó demandar al Gobiernu estatal la creación de la especialidá docente cola oposición única de los populares.

El Conseyu Regulador de la Denominación d'Orixe Protexida 'Sidra de Asturias' robló un conveniu de collaboración cola firma francesa.