L’alcaldesa de Noreña, Amparo Antuña, nun oculta la so sorpresa pola sentencia del TSXA qu’anula la ordenanza d’asturianu tres l’esfuerciu en modificar l’anterior torgada pol tribunal. Y ye que los argumentos son los mesmos: “diz que vien a declarar la oficialidá nel conceyu”, apunta al tiempu que cree que “ye un tema nel que tien qu’entrar el Principáu”.

La conseyera Berta Piñán tornó a usar con normalidá l’asturianu na Comisión de Cultura, Política Llingüística y Turismu. El voceru de VOX, Ignacio Blanco, apuntó seis momentos nos qu’afirmó nun entendela y criticó’l protocolu, a lo que la escritora respondió-y que “sólo faigo usu del mio derechu reconocíu pol Constitucional”.

La denuncia d’un miembru del PP de Noreña, partíu ensin representación nel Plenu, de la segunda ‘Ordenanza Municipal pal Usu de la Llingua Asturiana nel Conceyu de Noreña’ salió finalmente alantre. El Tribunal Superior de Xusticia d’Asturies (TSXA) tornó a valtala.

Un 45,89 por cientu recibió una dosis. Esti martes rexistráronse 67 contaxos y nenguna muerte con COVID-19 per tercer día.

Adrián Barbón participó’l llunes nel Euskalduna Jauregia, en Bilbao, xunto con Idoia Mendia y María Chivite, nuna mesa redonda entamada pol PSE-EE con motivu de los actos del 135 aniversariu de la fundación de la primer agrupación socialista d'Euskadi.

El 25 de mayu del 2021, 213 años depués de la declaración de soberanía de la Xunta Xeneral, conviértese tamién nuna fecha importante al ser la primer ocasión en qu’esti momentu históricu clave na historia del país ye recordáu y puestu en valor poles nueses instituciones. “Esta conmemoración intenta reparar un escaezu inxustu y enorme”, reconoció'l presidente Adrián Barbón nel actu celebráu nel uvieín Palaciu del Conde de Toreno.

El Gobiernu arrancaba asina los actos institucionales conmemorativos de los fechos del 1808, orixe del nuesu emblema.

Nun hebo que llamentar muerte nenguna.

Adrián Pumares, secretariu xeneral de Foro, acudió al actu institucional pol 25 de Mayu, una iniciativa que calificó de “bona noticia”. El voceru de la formación na Xunta Xeneral asoleyó un tweet n’asturianu pola efeméride xunto cola bandera y propunxo que la xornada sía festiva n’Asturies xunto col 8 de setiembre.

“Ye una bona noticia que’l 25 de mayu por fin tenga conmemoraciones oficiales”, apuntó Daniel Ripa, secretariu xeneral de Podemos, que considera que “tien que ser la nuesa fiesta de soberanía popular”. El voceru de la formación morada na Xunta Xeneral cree qu'esta fecha pue convivir col 8 de setiembre, “una con un sentíu más cultural y otra con un sentíu más políticu”.