Ribesella, capital d’Asturies l’ocho de setiembre

El Conceyu de Gobiernu alcordó que los actos oficiales del Día d’Asturies de 2010 celébrense nel conceyu oriental de Ribesella, siendo’l duodécimu conceyu qu’acueya los actos.

Dende que l’executivu de Vicente Álvarez Areces decidiera en 1999 facer itinerante la celebración del día grande del país, yá foron once los conceyos qu’acoyeron los actos. Una xornada que se prollonga díes enantes del ocho de setiembre y qu’amesta cultura y folixa, al traviés de conciertos na cai, eventos deportivos, d’un mercáu tradicional asturianu, amuesa d’oficios artesanales, feria de productos asturianos con puestos de venta de la gastronomía y artesanía, y una feria del llibru y del discu.
 
Enantes de 1999, los actos del Día d’Asturies celebrábense en Llamorgal (Llanera). Dende esi añu, acoyeron los actos Cangues d’Onís, Trevías (Valdés), Xixón, Uviéu, Avilés, Mieres, Pravia, Nava, Navia, Samartín del Rei Aurelio y l’añu pasáu Cuideiru.