Espublízase un discu de Dixebra con versiones n'eonaviegu
|
3 Febreru, 2010 por Damián Barreiro
- Inicie sesión o rexístrese pa espublizar comentarios
Xeira ta acabantes d’espublizar el discu “Dixebra. Versióis eonaviegas”, onde’l grupu de rock fai cuatro versiones del so últimu discu, "Amor Incendiariu", na llingua del Navia-Eo.
El discu incluye los cantares "Berra", "Quero ser ferro", "Xentuaya" y "Amor incendiario", cantares que tán dientro nel últimu discu de la banda, pero agora con versiones n’eonaviegu.
L’asociación Xeira diz que lleven yá dos décades trabayando pa que l'eonaviegu tenga futuru, pero esclarien que “pra eso faiye falta un estatus legal d’oficialidá que garantice os deretos dos falantes y, a un tempo, actividades qu’axuden a ver normal qu’esa llingua que falamos na casa tamén apareza noutros ámbitos”.
Señalen qu’una d’eses actividaes pue ser la música y que nestos últimos años “a música na nosa llingua ta fendo galaníos: nacen grupos folk, grábanse discos, y hasta empezan a salir bandas que fain rock. Dixebra bótanos agora úa mao pra demostrarye á mocedá que se poden abrir camíos novos tamén prá nosa llingua”.
El discu ta editáu en collaboración con L’Aguañaz y cuenta cola subvención de la Conseyería de Cultura. Va distribuyise per chigres musicales de les villes principales del Navia-Eo al preciu de cinco euros. La so presentación será nel actu d'entrega del XIX Premio Xeira de Narracióis Curtias.
Efrén d'Andrés
Comentarios
¿eonaviegas? sedrá gallego-asturiano o a fala. ¡¡¡Ya ta bien de galleguismos!!!
Pois vouche dar a razón Belenos porque a teis completamente. El único término legal asta agora é "gallego-asturiano" ou "gallego/asturiano", eonaviego utilízase como xentilicio polo sector galeguista con gran profusión, pero nunca como lingua. El que pasa é que os de Xeira e ALLA utilínzanlo pra non chamarlle "gallego", por Dios!! Por outra parte, habería que denunciar esas subvenciois a este grupo Dixebra con Xeira por parte del PSOE, que casualidá!! E despós que non veña chorando Xune Elipe de que non vive de subvenciois del Principado, igualín que el chiringuito que se montou Xeira nel Parque Histórico del Navia, el sou xerente é del PSOE e meteu a todos os sous amiguíos coel consentimento da alcaldesa de El Franco e denunciado xa hai un ano polo PP. Xa sabemos a quen sirven...