Nun cantar nin actuar n'asturianu, condición pa contratar en Xixón
- “A partir de ahora, ‘Gijón”
- Pumares diz que nun habrá vetu en Xixón a los artistes qu'empleguen l'asturianu na so actividá
- Abascal manifiesta qu'en Xixón "se va a defender la lengua española"
- L’ALLA esixe a les instituciones “‘cero cesiones’” énte les “amenaces del radicalismu políticu” contra l’asturianu
- La conceyalía de Festexos de Xixon va estudiar el perfil de los artistes qu'usen l'asturianu enantes de contratalos
|
23 Xunu, 2023 por Redacción
- Inicie sesión o rexístrese pa espublizar comentarios
La intención de VOX, partíu que xestiona Festexos y Divertia, ye nun programar a artistes qu'empleguen la llingua asturiana.
Nuna entrevista na emisora de Xixón d'Onda Cero la edil Sara Concepción Álvarez Rouco respondió esta mañana a la entruga "¿los artistas asturianos serían tenidos en cuenta aunque elijan el asturiano para sus actuaciones?" con un "hombre, si se puede no, pero nunca se sabe". Foi xusto depués d'afirmar que "nosotros siempre defendimos nuestras cultura, nuestras tradiciones. Las tradiciones nunca hay que perderlas y VOX siempre lo dijo".
D'esta forma una gran cantidá de los artistes asturianos, los qu'usen l'asturianu pa espresase, quedaríen escluyíos de la programación del conceyu más pobláu del país, un referente siempre nel terrén cultural. VOX, que, en pallabres de la conceyala de Festexos, pretende tamién eliminar "sesgos ideológicos de izquierda" nos eventos festivos, entró al gobiernu municipal nun alcuerdu con Foro, qu'enantes pautara col PP, pa investir a Carmen Moriyón como alcaldesa.
Na semeya, interior del Teatru Xovellanos, que va depender de VOX.
Efrén d'Andrés
