Demientres tola guerra civil, Francia fue'l destín escoyíu pola mayoría de los refuxaos qu'afuxíen del avance del exércitu "nacional".

Quien al entamu del conflictu miraben de refuxase en Portugal, pudieron comprobar de sópitu la simpatía y collaboración que'1 réximen de Salazar daba a los solevaos. Col vecín Ibéricu nun se podía cuntar pa nada.

El periódicu Le Nouvelliste, editáu en Lorient, espubliza un artículu qu'orixinó'l treslláu del alcalde de Lorient.

Nél, fai un amañosu balance de los barcos y el númberu de refuxaos qu'aportaren d'Asturies a les costes de Bretaña y la so rexón marítima demientres la segunda quincena del mes d'ochobre. Asinamesmu da cuenta detallada de la rempuesta de la población y les autoridaes énte la so llegada y del desendolque de la repatriación.

Le Nouvelliste (26-X-37)

Alredor de 20.000 persones embarcaron en dellos puertos asturianos en 1937 cola fin de dexar atrás les penuries de la guerra - Munches cayeron preses del bandu ‘nacional’ y non pocos perdieron la vida por fundimientos provocaos. - El 23 de setiembre un barcu con mil neños y neñes salió de Xixón

El vienres en Xixón a les 19.30 "polos derechos de les persones refuxaes"

El conceyu va dedicar esti mes a promover la mitoloxía asturiana a traviés d’estremaes actividaes.