Convocatories

L'agrupación d'Unidá Nacionalista Asturiana nel conceyu de Xixón convoca una nueva Tertulia Pachín de Melás sol títulu "A mi qué la crisis. Marxinación y polítiques de reinserción social". La tertulia va tener llugar esti xueves 1 de xunetu nel "Bar Cantábrico", énte los Xardinos de la Reina, espaciu que yá s'utilizara pa la tertulia "Toros. Sacái tarxeta encarnada al maltratador" qu'acaba colgase na páxina web del grupu: http://tertuliapdm.blogspot.com/.

L'escritor y estudiosu Javier Cubero presenta mañana la so obra 'Del romanticismu al rexonalismu: escritores carlistes na lliteratura asturiana', ganadora del II Premiu d'Ensayu Fierro Botas, que recueye la vida y obra de cuatro autores asturianos carlistes: Xuan María Acebal, Manuel Fernández Castro, Enrique García Rendueles y el Fernán Coronas (El Padre Galo).

El 19 de xunu va presentase n’Eilao ‘Conceyo de Cantares’, un CD con doce cantares n’eonaviegu que quier amosar la variedá de los conceyos del Parque Histórico del Navia.
 
El CD ta formáu por doce grupos y solistes, con cantares d’estilos bien estremaos, dende’l folk sentíu ya intimista o más convencional, el pop-rock, rock-folk… y cantares tradicionales del occidente, dalgunos d’ellos yá editaos y recopilaos y otros fecho pa la ocación.
 

El grupu de rock-ska-fusión La Tarrancha organiza mañana sábadu una espicha musical en 'La Sierra'l Trabanquín', en L'Entregu, pa confraternizar colos sos siguidores, y na que van actuar, amás del conxuntu anfitrión, los conxuntos Fala Non Caduca y La Bandina la Curuxa, arriendes de tolos músicos que quieran participar llibremente.