Espicha conciertu con La Tarrancha, Fala Non Caduca y La Bandina la Curuxa

El grupu de rock-ska-fusión La Tarrancha organiza mañana sábadu una espicha musical en 'La Sierra'l Trabanquín', en L'Entregu, pa confraternizar colos sos siguidores, y na que van actuar, amás del conxuntu anfitrión, los conxuntos Fala Non Caduca y La Bandina la Curuxa, arriendes de tolos músicos que quieran participar llibremente.
 
Según informó la formación nel so portal de Facebook, la espicha va entamar sobre les 14.00 hores. Hai disponible una pipa con 200 llitros de sidra y a los participantes nun se-yos cobrará entrada, simplemente se-yos pide qu'aporte caún algo de comer (tortielles, empanaes, chorizu, fayuelos, bebíes, etc).
  
Amás, de les actuaciones musicales, el grupu fizo un llamáu a tola xente que quiera aportar la so creatividá, yá seya cuentacuentos, monologuistes, malabares o cualquier otru tipu d'exhibición.