'Del romanticismu al rexonalismu' en Xixón

L'escritor y estudiosu Javier Cubero presenta mañana la so obra 'Del romanticismu al rexonalismu: escritores carlistes na lliteratura asturiana', ganadora del II Premiu d'Ensayu Fierro Botas, que recueye la vida y obra de cuatro autores asturianos carlistes: Xuan María Acebal, Manuel Fernández Castro, Enrique García Rendueles y el Fernán Coronas (El Padre Galo).

L'autor apuesta por vincular a los cuatro cola so ideoloxía y la so militancia política, pues "hai estudios anteriores d'ellos, pero siempre los trataben d'una manera individual desvinculaos unos d'otros, y desvinculaos tamién del contestu políticu ideolóxicu nel que se movíen". La presentación será mañana xueves, 24 de xunu, a les 19.00 hores, na sala de recepciones del Conceyu de Xixón.