Blogs

Jedem das Seine. (A caún lo suyo). Ye lo que vieron na verxa del campu los guajes de 18 y 19 años y adultos qu’entraben en Buchenwald recién echaos a culatazos d’un tren de ganáu. Con Vincent llegaron dos mil. Yeren un granín p’aquel terrén inmensu de barraques y alambrera llétrica pel que pasó un cuartu millón de deportaos. Vieron y golieron el crematoriu de la que pasaron. Cada día contemplaben frente por frente el Zoo que’l Kommandant caltenía con mimu pa los sos nenos. Nun entendíen nada.

Al riscar de los ayuntamientos democráticos –nos primeros ochenta del sieglu pasáu– el vecinderu apuraba a los conceyales electos con una montonera de demandes pa poner igua a tantes carencies como daquella afogaben a los pueblos, villes y ciudades d’Asturies y de toa España. Había qu’entainar a buscar nueves estructures pa dar participación a la xente, había qu’iguar caminos y asfaltar carreteres, allumbrar cais, equipar parques, llevantar ambulatorios… Pero había tamién abondo que meyorar n’educación y cultura.

Nestos díes vemos nel centru'l discutiniu de los presupuestos d'Asturies un asuntu rellacionáu cola educación: el grau d'estensión y gratuidá de les escueles de cero a trés años. Ensin dulda, lo deseable ye la universalización d'esa etapa como pública y gratuita y la propuesta d'Izquierda Xunida (IX) qu'apocayá reflexaba eses intenciones foi aprobada por unanimidá na Xunta Xeneral. Entós, ¿ónde ta'l discutiniu?

Solemos dicir que nesti día,  8 de setiembre, tenemos poco que celebrar, que con la mala traza que tien too ye hasta frívolo qu’haya folixa. Pero yo niégome a que me quiten eso tamién, niégome a que los que nos traxeron y entá nos lleven a la situación llaceriosa que vive esti país me faigan resigname. Niégome a que me quiten l’allegría y l’arguyu vivir con esta xente y nesti país, Asturies.

Deseando adoptar nestes páxines una forma flexible pa esponer les mios idees, decidí emplegar la técnica del abecedariu, un recursu que tomo emprestáu del escritor vascu Bernardo Atxaga. Aguardo que se vea esta llicencia como un homenaxe y non como’l plaxu que posiblemente ye.

Hai una suerte d'obsesión nes nueses cabeces que dicta que la meyor solución –sobre manera si ye dalgo complicao de solucionar– ye cercar. Cercanos.

Dende que la FSA aprobó la inclusión de la oficialidá de la llingua asturiana como una prioridá nel so programa –lo que celebro profundamente-, contemplo con plasmu cómo día tres día apaecen nos pincipales medios asturianos continuos ataques furibundos escontra l’idioma y los sos falantes. Cualesquiera diría qu’esti aparente nuevu aire del partíu socialista ta escomiendo los nervios de della xente...

Palabres pronunciaes por Ramón d'Andrés nel homenaxe a Álvaro Ruiz de la Peña Solar el ventiséis de mayu del 2017 nel Paraninfu de la Universidá d'Uviéu:

Estimaes autoridaes universitaries, estimáu públicu, estimáu Álvaro:

"Es asturianista quien conoce Asturias, la ama, la estudia, en cualquiera de las manifestaciones de su identidad y transmite el fruto de ese estudio"; "Es asturianista quien se siente partícipe de una tradición de estudiosos que han venido roturando desde hace tiempo la misma senda por la que hoy él transita".

Acércase’l 25 mayu y, como tolos años, ábrense los alderiques de cuál debería ser el Día d’Asturies.

Hai daquién que sostién que’l Día d’Asturies ye’l Día la Santina, poles connotaciones cristianes que tienen ciertes 'visiones' del Reinu Astur xurdíu nel sieglu VIII pel princeps Pelayo, sofitáu ésti pola nobleza cántabra y la famosa 'batalla' de Cuadonga.

Lo primero de too voi entamar diciendo lo que ye pa min “escuchar” , porque dalgún de xuru tará pensando : “ye que les muyeres falen muncho, ésta lo que quier ye mandoniar” y yo refiérome a caltener una conversación normal ente dos o más persones. Opino que lo lóxico sedrá repartir el tiempu ente toes y toos los que tán aconceyaos/es. Bono, más o menos tendría de ser asina; si hai dos falen los dos, la metada pa caún o caúna, si son trés pos 1/3 pa caún/a y d’esi mou tol mundiu pue dicir daqué.