Ye tiempu de celebrar San Xuan

Esti xueves ye San Xuan y pela nueche van prendese cientes de fogueres per toda Asturies. Como bien sabes, trátase d'una nueche máxica que tien como elementos protagonistes l'agua y el fueu. ¡Celébralo con 'A la gueta los sueños'!

Nel reportaxe 'San Xuan' vas poder conocer toles claves d'esta celebración y les supersticiones venceyaes a esta fecha. Tamién vas poder lleer dalgunos refranes asturianos que tienen que ver con San Xuan.

D'igual forma, pues disfrutar del cuentu 'L'encantamientu', onde un mozu consigue recuperar a la so amada convertida en culiebra por un encantamientu del so padre na mañana de San Xuan.