Vuelve a ver la lluz el cuentu de MªXosefa Canellada "El llibru de la viesca"
![](https://asturies.com/sites/default/files/viesca.jpg)
La editorial Pintar-Pintar reedita'l primer cuentu de "El llibru de la viesca", proyectu de lliteratura infantil que MªJosefa Canellada asoleyara nel añu 1944 cola editorial madrileña Orión.
El Tíu Tanón, la Tía Tana y la historia de Tanín ye’l primer cuentu d'esta colección al que siguiría Suca y l’Osu. Por embargu'l primer daba anuncia de la publicación d’otros títulos que nin la familia de Canellada nin la editorial fueron quienes a recuperar, desconociendo si llegaron a publicase o quedaron perdíos na solombra d'aquellos años.
Nesti casu la edición lleva les guapes ilustraciones de Sandra de la Prada, siendo la torna del testu al asturianu responsabilidá de Mar Martín.