Un nuevu blogue pal públicu infantil

Nel Ricardo Álvarez Morán, responsable del blogue lliterariu "Cordobello, un país mui aquello" acaba poner en marcha un nuevu blogue, nesti casu empobináu al públicu infantil.

Tal y como espresa'l propiu Álvarez Morán pente medies d'una nota prensa, el blogue El rapazu de Venus "naz col enfotu d'echar un gabitu a los profesores de Llingua Asturiana y que los neños tengan un llugar afayadizu na so llingua". Asina mesmo anuncia que "la parte didáutica va poder atopase nel blogue de Cordobello". Esta parte didáctica consiste nuna serie d'indicaciones a la hora d'encarar la llectura de les histories espublizaes nel propiu blogue El rapazu de Venus.
L'autor tamién llevara a cabu una iniciativa novedosa hai unos meses al ufiertar la llectura del conxuntu de microrrellatos "Orbayu Seco" al traviés de la Rede.