Noticies a La Gueta

"Yo celebro que tengo cerebru" col karaoke de Pop Piquiñín

Karaoke 'Folixa sesuda' Pop Piquiñín

Depués de dellos díes de xugar, sentir cuentos y deprender coles fiches didáutiques de 'A la Gueta los Suaños' mientres quedamos en casa pa evitar el coronavirus ye'l momentu de cantar. Escoyemos el cantar 'Folixa sesuda' de Pop Piquiñín.

Lleer más

Impronta ufre de baldre cuentos infantiles mientres la cuarentena

Cubierta 'Como en casa en nengún llau' de Carlos González Espina

Impronta, consciente de la difícil situación pa la reciella nestos díes de quedar en casa por cuenta'l coronavirus, quier collaborar a facer más llevadaru'l zarru poniendo a disposición de los padres y fíos dalgunos de los cuentos infantiles ilustraos de la editorial mientres la cuarentena.

Lleer más

'Montes y viesques', otra ficha didáutica prestosa

Matterhorn

Depués de disfrutar del cuentu 'El Matterhorn', proponémoste pa esti día de quedar en casa pa salvar el coronavirus una ficha didáutica. Trátase de 'Montes y viesques' y nella vas poder conocer munches coses que quiciabes nun sabíes.

Lleer más

Un certame cultural completa los Xuegos Deportivos Escolares

Xuegos Deportivos Escolares voleibol cadete femenín 2018-2019

La Conseyería de Cultura, Política Llingüística y Turismu, al traviés de la Direición Xeneral de Deporte, convoca esti certame cultural que complementa los Xuegos Deportivos Escolares y Xuegos de Deporte Adaptáu, anguaño suspendíos pol estáu d'alarma por cuenta la pandemia de coronavirus SARS-CoV-2. Ésti lleva'l nome de Xuegos Deportivos Escolares en Casa-Desafíu COVID-19 y ta destináu a les munches y munchos deportistes que nun pueden prauticar agora la so modalidá.

Lleer más

'El Matterhorn', un cuentu del cantón suizu de Valais

Matterhorn

En 'A la Gueta los Suaños' tamién se pueden atopar cuentos tradicionales d'otros llugares. Ye'l casu de 'El Matterhorn', la historia que te proponemos pa esti día de tar en casa pa superar el coronavirus.

Lleer más

Vamos a por otra ficha didáutica: 'Aviespes, abeyes y abeyones'

Abeya

¿Picóte l'abeya munches vegaes en 'A la gueta les pallabres 2? Pa esti sábadu de quedar en casa pa salvar el coronavirus proponémoste conocer más sobre estos inseutos y otros asemeyaos con esta ficha didáutica de 'A la Gueta los Suaños'.

Lleer más