Impronta ufre de baldre cuentos infantiles mientres la cuarentena

Impronta, consciente de la difícil situación pa la reciella nestos díes de quedar en casa por cuenta'l coronavirus, quier collaborar a facer más llevadaru'l zarru poniendo a disposición de los padres y fíos dalgunos de los cuentos infantiles ilustraos de la editorial mientres la cuarentena.

El primeru nun podría ser otru que 'Como en casa en nengún llau', de Carlos González Espina con dibuxos de María Perera.

Nos díes últimes tamién facilitó 'Aína y despacio', obra d'Irene Riera con ilustraciones d'Alicia Varela, y 'Ensin orde nin conciertu', tamién de González Espina y Perera. P'adultos, mentes, Impronta permite consultar el númberu últimu, el 19, de la revista 'Ánafora. Creación y crítica', de periodicidá cuatriañal, que nun pudo ser distribuyíu entá nes llibreríes por mor de la pandemia de coronavirus SARS-CoV-2.