Noticies a La Gueta

'El pelegrín valiente' abre'l IV Nel Amaro

'El pelegrín valiente' de Nun Tris

Arranca'l IV Premiu y Festival Nel Amaro de Teatru Profesional en Llingua Asturiana o Gallego-asturiano cola representación de les cuatro obres finalistes. La primera va ser ‘El pelegrín valiente’, de Producciones Nun Tris, mañana a les 20 hores nesta instalación uvieína.

Lleer más

García Oliva: “Xosefa de Xovellanos demostró que podía destacar nun mundu de paisanos”

Vicente García Oliva col llibru sobre Xosefa de Xovellanos
Na previa d’una Selmana de les Lletres Asturianes centrada en recuperar la figura d’una muyer escritora escaecida nes antoloxíes canóniques de la época, como ye Tuxa, Vicente García Oliva (Xixón, 1944) presentó una obra nueva, dedicada a Xosefa de Xovellanos. Un llibru qu’abre un proyeutu de Pintar-pintar pa dar a conocer biografíes de muyeres que va siguir cola d'Urraca l'Asturiana.
Lleer más

Les competiciones de deporte base aplácense, anque sí se permiten los entrenamientos con seguridá

Xuegos Deportivos baloncestu

Les neñes y neños de 3 a 16 años, esto ye, hasta la entrada n'edá xuvenil, van poder entrenar d’un mou seguru esti cursu, anque les competiciones de deporte base s'aplacen ensin fecha. La so posible organización va quedar suxeta al análisis de la evolución de la pandemia de COVID-19, conforme a los criterios sanitarios.

Lleer más

“Tamién se pue facer skate n’asturianu”, afirma Mateo Rodríguez

Alberto Ferrao y Mateo Rodríguez García presentación 'El Pallabreru del Skate'

La llista de pallabreros temáticos n’asturianu de la Oficina de Normalización Llingüística de Xixón sigue ampliándose. “Tamién se pue facer skate n’asturianu”, afirma Mateo Rodríguez García, autor del llibrín sobre esti deporte, modalidá que va debutar nunes Olimpiaes en Tokio que cuenta con escena n'Asturies dende los años 80.

Lleer más

Iniciativa pol Asturianu detecta delles irregularidaes nel entamu del cursu

IES Carmen y Severo Ochoa de Ḷḷuarca

La non concesión d'espacios pal exerciciu de la docencia, una organización deficiente de los horarios o, inclusive, la xuntura de les asignatures de Cultura y Llingua Asturiana en Primaria son dalgunes de les irregularidaes detectaes por Iniciativa pol Astrianu nesti entamu del cursu. La organización entama un alcuentru telemáticu con profesores pa recoyer denuncies y treslladales a la conseyería.

Lleer más

“Anque esista una sola matrícula, l’alumnáu tien drechu a la formación n’asturianu”, recuerda Iniciativa

Cartelu campaña escolarización n'asturianu d'Iniciativa pol Asturianu

Col entamu del cursu cercanu, Iniciativa pol Asturianu quier aprovechar esti momentu pa recordar a les families y al alumnáu la posibilidá que tienen de matriculase n’asturianu magar les torgues que puedan atopar en delles escueles y institutos. “Anque nun centru esista una sola matrícula na asignatura, l’alumnáu tien drechu a la formación llibre n’asturianu o gallego-asturianu”, esplica.

Lleer más