Preséntase "La llegada" nel Atenéu Obreru

Esti xueves 10 d'abril va presentase nel Atenéu Obreru de Xixón el llibru tituláu "La llegada" del que ye autora Mar Martín.

Acompañarán a l'autora nel actu l'ilustrador del álbum acabante d'editar por Pintar-Pintar, Ánxelu González, y la profesora, escritora y esperta en Lliteratura Infantil y Xuvenil, MªRosa Serdio, qu'exercerá de presentadora.
L'actu va tener llugar nel Atenéu xixonés (C/Covadonga) a partir de les 19.00 hores d'esti xueves 10 d'abril.
 
Mar Martín, cola que tuvimos oportunidá de falar nesti espaciu hai unos meses, ye responsable de la Biblioteca Virtual MªJosefa Canellada, un espaciu na rede para los recursos multimedia venceyaos cola Lliteratura Infantil y Xuvenil n'asturianu.