Noticies a La Gueta

El discu del concursu ‘Al son del cantar’, un recursu nuevu pa la clase de Llingua Asturiana y Gallego-asturiano

Cubierta 'Al son del cantar'

Les maestres y maestros de Llingua Asturiana y Gallego-asturiano disponen d’un recursu nuevu pa trabayar nes aules col alumnáu. Yá ta disponible en plataformas dixitales y va distribuyise de manera física per toles escueles del país el discu coles diez canciones de ‘Al son del cantar’, concursu que ta acabante de celebrar la so gala.

Lleer más

Los escolinos que participen en Cantar Presta Muncho celebren los ‘Conciertos de Primavera’

Actuación La Milagrosa Cantar Presta Muncho 2021-2022

Esti martes arrancaron los ‘Conciertos de Primavera’ de la iniciativa Cantar Presta Muncho qu’entama la Oficina de Normalización Llingüística de Xixón baxo la coordinación de Nacho Fonseca. Nesta edición participen ocho coros infantiles d’otros tantos centros escolares del conceyu, que van axuntar nuna gran gala nel Xovellanos.

Lleer más

‘El barquín’ del discu-llibru ‘Kikirikikí’ atrévese a salir a la mar nel videoclip nuevu d’Alicia Álvarez

Videoclip 'El barquín' d'Alicia Álvarez punta Liquerique

La mar de Xixón, en concreto El Muelle, ye l’escenariu del videoclip de ‘El barquín’, cantar del discu-llibru ‘Kikirikikí’ d’Alicia Álvarez que yá va pela so segunda edición. La composición “ye un cantu a la llibertá que munches veces nun algamamos polos nuesos propios mieos”.

Lleer más

Teatru y una campaña sobre movilidá sostenible, na XIII Sumana de las Ḷḷetras Asturianas

'La reina de la guapura de Leenane' de Nun Tris nel Teatru Toreno

Estos díes ta celebrándose en Cangas del Narcea la XIII Sumana de las Ḷḷetras Asturianas. Les escolines y escolinos del conceyu tienen un gran protagonismu nestes xornaes dedicaes a la nuesa lliteratura, nes que pueden disftutar de teatru en llingua asturiana y pa la que desendolcaron una campaña sobre movilidá sostenible entitulada ‘Meyor en bici’.

Lleer más

‘La hestoria inacabable’ d’Ende yá tien versión n’asturianu de la mano de González Rato

Cubierta 'La hestoria inacabable' de Michael Ende frontal

‘Die unendliche Geschichte’, el llibru de Michael Ende del 1979 popularizáu pola película del 1984 del tamién alemán Wolfgang Petersen, yá se pue lleer en llingua asturiana como ‘La hestoria inacabable’. Xesús González Rato, qu’enantes tornara ‘Momo’ del mesmu autor, encargóse de traducir esti llibru qu’asoleya Radagast.

Lleer más

Reciella cuenta con un llocal en Xixón y fai un llamamientu p’amoblalu

Llar social de 'Reciella. Families pol Asturianu'

El barriu xixonés de Moreda, n’El Natahoyo, acueye’l primer llar de ‘Reciella. Families pol Asturianu’, un espaciu vacíu cedíu pol Conceyu nel que l’asociación va centrar tola so actividá. El primer oxetivu va ser acuriosalu, pa lo qu’entama una campaña de micromecenalgu na rede baxo'l títulu 'Amobla l'asturianu del futuru'.

Lleer más