Noticies

‘A la Gueta los Sueños’ incorpora una ficha didáutica sobre la mitoloxía asturiana

El trasgu, la xana, el nuberu, el cuélebre... De xuru que te suenen toos, pero… ¿sabríes distinguilos o conoces bien les carauterístiques de caún d’ellos? Na ficha didáutica nueva que te presentamos en ‘A la Gueta los Sueños’ dámoste detalles sobre estos seres de la mitoloxía asturiana.

Abiertu’l plazu pa la presentación de proyeutos pa l’Axenda Didáctica Escolar d'esti cursu

Mientres esti mes d’ochobre va tar abiertu’l plazu pa presentar proyeutos pa l’Axenda Didáctica Escolar. El cursu pasáu 182 centros de Primaria y de Secundaria y Bachilleratu pudieron disfrutar d’esti programa educativu col asturianu y gallego-asturiano como llingües vehiculares.

Un conciertu de Pop Piquiñín y una cantidá grande d’actividaes, nel Día de la Reciella

Esti domingu va celebrase nel Muséu del Pueblu d’Asturies el segundu Día de la Reciella. Dende les 11, y hasta les 19 hores, el recintu va acoyer una cantidá grande d’actividaes de baldre que va zarrar un conciertu de Pop Piquiñín n'acústico y una danza prima.

El Centru Niemeyer acueye la presentación de la obra infantil ‘Quiero ser arcu iris’

L’Espaciu-Tienda del Centru Niemeyer ye’l llugar escoyíu pa la presentación de ‘Quiero ser arcu iris’, obra colorista de María Esther García López con ilustraciones de Reyes Fernández Medina. L’actu va tener llugar el sábadu a les 18.30 hores y va contar cola participación de l'actriz Olga Cuervo.

Cellero lleva al teatru de marionetes la versión asturiana del cuentu ‘Xuan Soldáu’

El Teatru Prendes de Candás va ser sede esti sábadu de la estrena de la obra ‘Xuan Soldáu’, que protagoniza Carlos Alba ‘Cellero’. L’actor y monologuista estrénase nel teatru de marionetes nesta fábula familiar xunto colos espertos búlgaros nesti arte Olga Zeceva Cúrcic y Alexander Cúrcic.

El II Día de la Reciella va repetir nel Muséu del Pueblu d’Asturies el primer domingu d'ochobre

Neños y neñes van poder disfrutar d’una xornada n’asturianu dafechu’l 5 d’ochobre. L’asociación ‘Reciella. Families pol Asturianu’ entama’l II Día de la Reciella, que repite nel Muséu del Pueblu d’Asturies.

Los Bolechas n'asturianu supera l'audiencia media de la programación infantil

La serie qu'estrenó la TPA esta fin de selmana tuvo datos perriba de la media de la programación infantil en castellanu. El domingu el 7'2% de l'audiencia vio "La moñeca berrona".

Pel so llau, los dos capítulos que s'emitieron de sábadu algamaron un 2'6% (2'1% y 3'2%) de l'audiencia, mientres que los que se dieron de domingu tuvieron el 5'2% de media (7'2% y 3'6%).

TPA estrena esti sábadu 'Los Bolechas'

Seis  hermanos  y  el  so  perru  protagonicen  l'espaciu  infantil  nuevu  de  la  televisión autonómica asturiana que va emitise los sábados y domingos a les 9 de la mañana

La esitosa serie gallega pa neños ‘Os Bolechas’ emitiráse en TPA en llingua asturiana

‘Os Bolechas’, la serie infantil en gallegu que ye una sensación nel país vecín, podrá vese n’asturianu na TPA. Vacaloria Producciones ta trabayando nel doblaxe del programa al nuesu idioma y la direición del ente públicu de comunicación anunciará en feches próximes la so emisión.

Cuentacuentos en Xixón

Dientro de les actividaes del Arcu Atlánticu en Xixón, tendremos un cuentacuentos en llingua asturiana tolos díes dende'l día 26 de xunu al 2 d'agostu (sacante'l domingu 27 de xunetu) . Esta actividá va facese n'El Muelle.

You are here