Los Premios de la Crítica reconocen otra vuelta a Berta Piñán

El pasáu xueves 7 d'ochobre entregáronse n'Uviéu los Premios de la Crítica d'Asturies que tolos años distinguen les obres asturianes más sobresalientes en llingua castellana y asturiana del pasáu añu.

Nesta ocasión l'Asociación d'Escritores d'Asturies volvió a reconocer el llabor de Berta Piñán como yá ficiera l'añu pasáu al premiar el so llibru "Les coses que-y presten a Fran". La escritora canguesa ve d'esti mou reconocíu col premiu de la crítica a la meyor obra de Lliteratura Infantil y Xuvenil n'asturianu l'álbum qu'editara con Trabe nel añu 2009 "L'estraxeru".
"L'estranxeru" ye una historia que trata d'un mou directu'l tema de les adopciones internacionales al traviés de los güeyos d'una neña. El xuráu destacó del llibru "la so orixinalidá nel tratamientu temáticu y la escelente conxunxión ente testu ya ilustraciones". Éstes son obra de la ilustradora Ana Sáez a la que-y facíen una entrevista nel añu 2009 nel especial de LLIX de la revista "Estoyu" por cuenta d'esti álbum.