La editorial Pintar-Pintar edita ‘Cuatro Esquinines’

Pintar-Pintar espubliza un llibru nuevo en llingua asturiana pa los más pequeños de la casa. ‘Cuatro esquinines’ ye una obra en versu escrita por Pepe Monteserín y ilustrada por Job Sánchez.

Nesti trabayu los versos cobren vida propia pa tresformar una popular añada (‘Cuatro esquinines tien la mio cama…’) nun cuento risonderu al aviesu. Les pallabres del escritor pravianu Pepe Monteserín tán acompañaes poles semeyes de Job Sánchez, ilustrador gallegu afincáu en Xixón.

El llibru yá ta disponible pal públicu en llibreríes o na tienda na rede de la editorial. Ésti cuenta con 48 fueyes y tien un preciu de venta de 12 euros.