Ana Morán lleva’l cuentacuentos 'Nun quiero ser princesa' a La Reciella de la Factoría

Ana Morán

L’Espaciu Escénicu de Factoría Cultural d’Avilés acueye esti vienres una cita nueva de La Reciella de La Factoría, el ciclu qu’entama la Estaya de la Llingua y ‘Reciella. Families pol Asturianu’. Ana Morán va poner el cuentacuentos ‘Nun quiero ser princesa’.

“Les neñes nun siempre quieren ser princeses, nin vistise de rosa. Hai otres coses que-yos presten más, ven a descubriles”, anuncia l’actriz sobre esta historia qu’afonda na igualdá de xéneru. Astronauta, escritora o pilotu…, hai munches coses que-y prestaría ser a la nuesa protagonista.

La función de cuentacuentos, destináu a neñes y neños de 3 a 10 años, va tener llugar mañana a les 19 hores. La entrada ye llibre hasta completar aforu, pero nun se va poder entrar na sala una vegada que comience l’espectáculu.