noticia

Esti martes ye la Nueche d’Ánimes, una xornada mui presente na nuesa tradición anque anguaño contaminada pola so versión estauxunidense: Halloween. Pa esta fecha hai previstes delles actividaes alredor d’esta folixa de raigón celta.

'Astérix n’Italia’, ‘Astérix et la Transitalique’ na so llingua orixinal, ye’l númberu nuevu de les aventures de los galos Astérix y Obélix, que fai’l 37 de la coleición creada por Albert Urdezo y el fináu René Goscinny nel 1961. El cómic salió a la venta la selmana pasada en 17 idiomes, ente ellos l’asturianu y el mirandés (‘Astérix an Eitália’).

Yá ta too preparao pa la celebración del V Día de la Reciella esti domingu nel Muséu del Pueblu d’Asturies. L’ociu y el deporte, principalmente cola II Entaína, protagonicen una xornada en familia con más d’una docena d’actividaes col asturianu como llingua vehicular.

Dende esti llunes y hasta’l xueves, el Parque Xovellanos de Mieres va acoyer Revoltixu Astur toles mañanes. Esti eventu entama actividaes d’ociu, xuegos tradicionales y manualidaes pa que neños y neñes puedan disfrutar del tramu final de les sos vacaciones braniegues.

Esti llunes echó a andar una edición nueva, la sesta, del ‘Veranu Lliterariu’, actividá qu’entama la Casa de la Llingua de Corvera cola fin de promover la llectura infantil en llingua asturiana. Inaciu Galán lleó la so obra ‘Nel, el coríu que nun sabía nalar’ a la reciella.