Día del Llibru Asturianu

VOX quier torgar l'usu del asturianu na Xunta

|
Plenu Xunta Xeneral 14 de xuneru 2020

Solicita que les intervenciones que se faigan nel Plenu del llunes, previu al Día de la Nación Asturiana, tengan torna al castellanu.

VOX quier torgar l'usu del asturianu na Xunta Xeneral de manera espontánea por parte de los diputaos. Solicitó na Xunta de Voceros d'esta mañana que los discursos que se vayan facer na próxima sesión nesti idioma na Cámara tean traducíos al castellanu pa poder entendelo.

El 1 de xunetu modificóse'l Reglamentu de la Cámara pa que cualquier persona pudiera emplegar l'asturianu nel Parllamentu asturianu, non sólo los diputaos. La normativa dexa na Mesa la decisión a tomar nel casu de que dalguien diga non entender l'idioma d'Asturies, táutica emplegada por VOX y el PP esta llexislatura.

Tres la Xunta de Voceros, col que torna l'actividá parllamentaria tres les vacaciones de branu, Daniel Ripa, secretariu xeneral de Podemos Asturies, refugó que se "pretenda facer política partidista cuando tamos falando de derechos". "Intentar buscar esa confrontación nel Día d'Asturies nun ye apropiao. Creemos que cualquier persona debe poder espresase n'asturianu y eso iguala en derechos a tol mundu n'Asturies", añadió.

Na imaxe, un momenu del Plenu del 14 de xunetu, l'últimu celebráu.

Contador Estadistiques