Tomé pide a Barbón que s’involucre “personal y sinceramente” na reforma del Estatutu d'Autonomía

Nel únicu cachu de discursu que se pudo sentir n’asturianu na Xunta Xeneral na segunda sesión del Plenu d’Investidura, Cova Tomé pidió a Adrián Barbón, reelixíu hores depués como presidente, que s’involucre “personal y sinceramente” na reforma del Estatutu. La diputada de Podemos reclamó-y que l'actualización de la Llei d’Usu que propunxo ye “dalgo que podría tener fecho yá nel tiempu que lleva gobernando”.

Dende’l grupu mestu, lo que obliga a Tomé a compartir tiempos col diputáu de Foro, Adrián Pumares –que tamién trató sobre la cuestión llingüística–, la valdesana arrancó la so intervención analizando l’aritmética de la Xunta Xeneral y proponiendo-y “Gobiernu fuerte, con una mayoría estable de 23, conformada por las tres fuerzas progresistas de esta Cámara, para impulsar un programa de transformación que afronte los principales problemas de Asturies. Una mayoría que pueda aprobar leyes y presupuestos. Que se dedique a gestionar. Con un acuerdo que esté refrendado por las militancias de nuestras tres organizaciones. Y que permita mostrar a la ciudadanía que hay una alternativa a los gobiernos de recortes en derechos. Porque la primera batalla es la de disputar los límites de lo posible”.

Una propuesta que nun recoyó’l socialista, enfotáu en contar con un gobiernu estable al traviés d’un alcuerdu con Convocatoria por Asturies, coles disputes internes de Podemos como xustificación. Sicasí, la diputada votó a favor de Barbón –“un regalu políticu”, definiólu–: “No vamos a permitir con nuestro voto hoy que el PP cante victoria por haber roto la mayoría progresista, ni que usted use nuestra abstención como excusa para justificar que está forzado a entenderse con las derechas”.

Na parte emplegada por Tomé pa falar de la cultura y el país, la diputada cambió al asturianu. “La pasada llexislatura foi un periodu de sesiones vacíu en cuantes a l'aprobación de lleis y normativa reguladora. Si hai que falar d'un fracasu nesti sentíu, ye la reforma frustrada del Estatutu dAutonomía, un procesu que sentamó tarde y s'encaró de manera enquivocada. La falta de voluntá d'unos y el tracamundiu d'entemecer cuestiones ayenes al mesmu, llevaron al fracasu aquel procesu”, entamó.

“Mediu p’algamar una Asturies meyor”

Criticó al Gobiernu de Barbón de “nun da conocer cuála yera la reforma que quería y hasta ónde afondar nel autogobiernu, más allá d'unes poques palabres a última hora, ensin involucrase directamente nes negociaciones y dexando pasar el tiempu. A día de güei nun conocemos tovía qué reforma propón, qué articuláu habría que modificar o qué competencies asumir”.

Tome apuntó darréu que “tenemos un Estatutu obsoletu que precisa d'una reforma fonda, que lu anueve, acordies col tiempu que vivimos. Asturies necesita se convierta nuna ferramienta pa construyir el país que queremos. Hemos convertir esi nuevu Estatutu nun mediu p'algamar una Asturies meyor, afitar con él la nuestra identidá, política, cultural y llingüística”.

Anque nun dean los númberos pola postura del PP d’escluyir la oficialidá d’una posible actualización de la norma, Podemos nun se resigna “a dar por acabáu'l procesu y facemos un llamáu a la responsabilidá de los grupos d'esta Cámara pa que seyan realmente conscientes de lo que supón encarar la imprescindible actualización del nuestru Estatutu d'Autonomía”. Entiende la diputada que Barbón “tien que garrar les riendes y llevar la iniciativa, involucrándose personal y sinceramente nello, entamando a nun tardar conversaciones colos grupos, ensin dar por perdida esta batalla enantes de dala”.

Respuesta a los compromisos del candidatu

Sobre la reforma, actualización y adaptación de la Llei d’Usu que, anunció’l socialista ayeri, va plantegar el Gobiernu nuevu del país, Tomé afirmó que ye “dalgo que podría tener fecho yá nel tiempu que lleva gobernando, pero que nun se fixo. Lo mesmo que'l llogru de la Especialidá Docente d'Asturianu”.

Tamién fixo referencia a la RTPA, “tan necesaria d'un replantegamientu nel so papel como ferramienta de normalización llingüística, vertebradora de la sociedá asturiana y promotora de la nuestra identidá. Son too esto cuestiones pendientes dende cuantayá, pa les qu'ufiertamos el nuestru apoyu si de verdá se quieren llevar alantre”.

Zapico tamién apuesta pola actualización de la norma

“Compartimos tamién con usted nuestro interés, preocupación, compromiso y esfuerzo con el desarrollo y reforma del Estatuto de Autonomía, para blindar en primer lugar derechos sociales, para alcanzar mayores cotas de autogobierno y pa facer realidá d’una vez un derechu que nun se pue prorrogar por más tiempu como ye la oficialidá de la llingua asturiana”, apuntó al respeuto de l’actualización de la norma Ovidio Zapico, voceru de Convocatoria por Asturies, na so primer intervención d’esta mañana.

Semeya obra d'Iván G. Fernández.