Salú comunica 455 contaxos, con una tasa de positividá del 7,3

|

Esti miércoles hai que llamentar 17 muertes.

La Conseyería de Salú comunicó 455 casos nuevos de COVID-19 ayeri, 452 tres retirar 3 nos datos oficiales por tar duplicaos, que 55 más que'l martes, anque la comunicación al Ministeriu de Sanidá incluyía tamién 55 positivos de díes anteriores. Sicasí, la tasa de positivá anunciada ye del 7,3 por cientu tres la realización de 6.230 pruebes PCR, cuando l'anterior foi del 6,05 por cientu.

Na xornada 17 persones perdieron la vida cola enfermedá causada pol coronavirus SARS-CoV-2: diez muyeres de 90, 89, 88, 88, 88, 87, 83, 82, 80 y 80 años y siete homes de 96, 94, 93, 91, 91, 73 y 69, de los que siete teníen domiciliu nun centru residencial de mayores. Los datos oficiales inclúi 3 finaos más de díes anteriores non comunicáu, polo que dende que principió l'andanciu hai un total de 777 muertes con PCR confirmada.

Asturies cuenta con 868 pacientes ingresaos con confirmación o sospecha de COVID-19, 16 menos que'l martes. Amás hai otros 150 na UCI, 7 más que nes 24 hores anteriores.

96 biltos activos

Asturies informó al ministeriu de la esistencia de 96 biltos activos, 50 más qu'hai una selmana, que sumen un total de 1.472 casos. 23 d'ellos detectáronse estos 7 díes últimos, según comunica Salú.

Contador Estadistiques