La tasa de positividá xube del 5,74 al 6,05 por cientu

|

Salú comunica 400 casos nuevos de COVID-19 esti martes, anque los datos oficiales sumen otros 55 contaxos más de díes anteriores.

Asturies paez estabilizar la tasa de positivos, que s'asitia al rodiu del 6 por cientu, entovía superior al 5 por cientu que marca la Organización Mundial de la Salú (OMS) pa tener controlada la pandemia. Tres algamar el tope'l vienres, con un 11,45 por cientu, la tendencia foi descendente, con un 8,11 por cientu'l sábadu, un 5,8 por cientu'l domingu y 5,74 por cientu'l llunes, que xubió ayer a un 6,05 por cientu tres la realización de 6.605 pruebes PCR. 

No que respeuta a los positivos, sumáronse 455 na xornada, pa poner el total de la serie en 19.868. D'ellos 700 correspuenden a ayeri, según comunicó Salú.

Na xornada hebo que llamentar 14 finaos: nueve homes de 99, 97, 87, 75, 75, 75, 73, 71 y 62 años y cinco muyeres de 88, 88, 87, 67 y 58, de los que seis residíen en centros de muyeres. Amás informóse de dos muertes de díes anteriores, polo que son 757 les persones que perdieron la vida cola enfermedá causada pol coronavirus SARS-CoV-2 en tol andanciu.

Hai hospitalizaes 884 pacientes con confirmación o sospecha de COVID, 10 menos que'l llunes, y siguen 143 na UCI.

38 biltos en residencies

La conseyería detectó ente'l 10 y el 16 de payares un total de 38 biltos en residencies de mayores, 12 más que la selmana anterior. En total contabilizáronse 446 casos nueves, ente internos y trabayadores.

Les autoridaes sanitaries intervienen cuando se da un primer contaxu, anque se cuenten como brotos cuando hai al menos trés. Nesi sen, nesti periodu confirmaróse casos n'otros 30 centros residenciales.

Contador Estadistiques