La vida de José Fernández Sánchez yá ta en cómic con 'El sol na escombrera' de Vázquez

L'autor mierense presenta nel ciclu Uviéu Abierto'l llibru ganador del XII Premiu Alfonso Iglesias, correspondiente al añu 2020.

'Cuando el mundo era Ablaña', les memories de José Fernández Sánchez, un neñu de la guerra, ye la base de 'El sol na escombrera', editáu por Impronta. Un cómic que nos dexa “escucar cómo yera la vida cotidiana de los años 30 nos pueblos de la cuenca minera, amás de dar testimoniu de vivencies históriques como la Revolución del 34 y l'entamu de la Guerra Civil”.

Laura Marcos va encargase de conducir l'actu nel qu'Alberto Vázquez García va dar a conocer los detalles d'esta obra. Va mañana ser a les 19 hores nel salón d'actos de la Biblioteca d'Asturies Ramón Pérez de Ayala dientro del ciclu d'actividaes sobre la llingua y cultura asturiana qu'entama la Conseyería de Cultura, Política Llingüística y Turismu na Biblioteca d'Asturies Ramón Pérez de Ayala.

'Seltegu', el 24

La cita siguiente confirmada hasta'l momentu va saltar hasta'l día 24 d'esti mes, tamién a les 19 hores, y va consistir na presentación de ‘Seltegu’ (Impronta), de Ruma Barbero, XI Premiu Alfonso Iglesias de cómic, correspondiente al añu 2019.