El peor día del temporal dexa ocho puertos zarraos

|
Zarréu neváu'l 17 de xineru del 2023

Son necesaries les cadenes en 51 pasos de monte y el Güerna abrió recién pa camiones depués de tar parte del día peslláu.

El temporal que vien ximielgando estos díes Asturies vive güei el so peor día. L'Axencia Estatal de Meteoroloxía (AEMET) declaró l'alerta naranxa por nieve en tol país n'esceición de la mariña, mentes que na mar hai'l mesmu nivel d'avisu por fenómenos costeros.

Les nevaes cayíes, cola cota mínima afitada nos 500 metros, provocaron el zarru de seis puertos o xubes. Na actualización de les 14 hores yeren La Collada Llomena (Ponga), el Ḥitu Escaradi (Cabrales), El Puertu Tarna (Casu), l'Alto'l Palo (Ḷḷena), El Puertu’l Couniu (Cangas del Narcea-Ibias), L’Altu’l Palu y L’Altu la Marta (Allande) y Los Llagos (Cangues d'Onís).

Mentes, ye necesariu l'usu de cadenes n'otros 51 pasos de tol país y nel Güernu la circulación ye complicada, col pasu pa camiones zarráu per una hores, anque pela tarde tornó a abrir. Mañana espérase un ameyoramientu del tiempu, con alarma de nivel mariellu por nieve na parte central y oriental del cordal.

Na imaxe, Zarréu llucía asina ayeri. Semeya obra de Vítor Xuan Melero. 

Contador Estadistiques