L'usu de cadenes ye necesariu en 25 puertos de la rede asturiana

Activóse'l Plan d'Enllenes en fase de preemerxencies pol temporal qu'afeuta al país.

L'iviernu aportó en xineru a Asturies. L'Agua, la nieve, l'aire y el fríu ta marcando una xornada con complicaciones qu'obligaron a suspender les clases en Villaviciosa o cortar el tren ente Xixón y Ferrol.

L'Axencia Estatal de Meteoroloxía (AEMET) declaró a tol país en nivel d'alerta naranxa por nevaes y raches d'aire, sacante la mariña, en mariella por agua y tamién vientu. Na mar tamién hai alerta naranxa por fenómenos costeros.

El Gobiernu anunció que, a les 14 hores, en 25 puertos yera necesario usar cadenes pa poder circular. Mentes, tán cortaes les xubes a Los Llagos y l'Alto'l Palo.

Otra manera, a les 8.43 hores activóse'l Plan d'Enllenes Especial de Proteición Civil por Riesgu d'Enllenos, PLANINPA, en fase de preemerxencia. Los Servicios d'Emerxencia van facer un siguimientu de los parámetros hidrolóxicos y van caltener contautu colos organismos encargaos de facilitar la información necesaria pa siguir la so evolución.

El temporal va siguir mañana, onde ta anunciada alerta naranxa en toa Asturies. Nevará previsiblemente en cotes mui baxes, a 300 metros.

Imaxe sacada de la web de l'AEMET.