L'agua y l'aire marcarán los díes próximos

Desactívense esti xueves l'alertes, que van siguir el vienres por fenómenos costeros. Dellos puertos siguen zarraos pola nieve.

El temporal baxa d'intensidá y pa los díes próximos namái s'espera agua y aire. Queden atrás cuatro díes de complicaciones, sobre manera los dos últimos pola nieve y les enllenes, no que foi'l primer episodiu ivernal de la temporada.

Les alertes que l'Axencia Estatal de Meteoroloxía (AEMET), marielles por agua, desactívense esta medianueche, cuando na costa va pasar de naranxa a mariella por fenómenos costeros. A les 4 finará definitivamente, anque'l vientu y la lluvia va siguir los díes siguientes, con un ameyoramientu'l domingu.

La nieve cayida, sicasí, caltienen zarraos al tráficu, na actualización de les 19 hores fecha pol 112 Asturies, un total de 10 puertos o xubes. Son l'accesu a Sotres (Cabrales), Los Llagos (Cangues d'Onís), El Puertu Tarna (Casu), El Puirtu Braña (Ayer), Ventana (Teberga), l'Alto'l Palo (Ḷḷena), Somiedo, El Puertu’l Couniu (Cangas del Narcea-Ibias) y L’Altu’l Palu y L’Altu la Marta (Allande), mentes que n'otros diez ye necesariu l'usu de cadenes.

Semeya obra de Vítor Xuan Melero.