Del Sporting a Reciella: entidaes d'Asturies y Lleón celebraron asina en redes el Día de la Llingua Materna

Tamién munchos usuarios aprovecharon la xornada pa facer referencia a esta conmemoración nes sos cuentes personales.

Ayeri, 21 de febreru, celebróse'l Día Internacional de la Llingua Materna, una oportunidá qu'aprovecharon munches entidaes pa reivindicar l'asturianu. Ente ellos hebo clubes deportivos, partíos, sindicatos, organizaciones que trabayen pol idioma o coleutivos de diferente calter, tanto d'Asturies como de Lleón, amás de representantes del mundu académicu y cultural, de los que facemos una pequeña esbilla nesta información.

La tresmisión del asturianu ye una carrera de relevos (dacuando d'obstáculos) perguapa, y na que vamos pasando'l testigu ente xeneraciones.
Dende Reciella deseamosvos un prestosu Día de la Llingua Materna y animámosvos a garrar el númberu.
¡Agora tócate a ti! pic.twitter.com/0IU2MTWPly

— Reciella (@Reciella) February 21, 2024

Nesti día, pidimos al Gobiernu d'Asturies menos declaraciones y más acciones pa qu'asturianu y gallego-asturianu sigan siendo llingües maternes y non adornos rituales. Y yá van unes cuantes oportunidaes perdíes por falta de voluntá política. #Díadelallinguamaterna #oficialidá pic.twitter.com/ARMT8pSRYo

— Xunta #oficialidá (@exunta) February 21, 2024

Güei ye'l Día de la Llingua Materna. L'asturianu, una vieya llingua europea, rispe pol derechu a la existencia. https://t.co/vzBVUCDlNa

— X.A. González Riaño (@xantongr) February 21, 2024

La única celebración posible del día de la Llingua Materna ye reconocer los nuesos drechos.#OFICIALIDÁ pic.twitter.com/Xg0IN7GL9H

— Xandru Martino #Oficialidá (@XandruMartino) February 21, 2024

To les llingües son patrimoniu de los pueblos que les usen y de tola humanidá. Ye obligación caltenela viva pa les nueves xeneraciones.
Nel #DíaDeLaLlinguaMaterna reafirmamos el nuesu compromisu colos derechos llingüísticos de los y les asturianes.
Fala n´Asturianu. #Oficialidá pic.twitter.com/7vnKaL56b8

— Podemos Asturies (@PodemosAsturies) February 21, 2024