Convocaos los premios lliterarios nuevos: l’Enriqueta González Rubín de narrativa moza y el Florina Alías de traducción
- Los Premios Lliterarios sumen dos gallardones nuevos, de traducción y de narrativa moza
- El Premiu Florina Alías va reconocer la meyor traducción al asturianu del añu anterior
- Blanca Fernández conviértese na primer ganadora del Premiu Enriqueta González Rubín de narrativa moza
- La Biblia n’asturianu, reconocida col I Premiu Florina Alías de traducción
|
4 Payares, 2021 por Pablo R. Guardado
- Inicie sesión o rexístrese pa espublizar comentarios
La Conseyería de Cultura, Política Llingüística y Turismu convocó esti xueves los dos premios lliterarios que se sumen a los cinco habituales. Son l’Enriqueta González Rubín de narrativa moza y el Florina Alías de traducción, con plazu pa presentar obres hasta’l día 19 d’esti mes.
El primer gallardón ta destináu a persones menores de 31 años y cuenta con una recompensa de 3.000 euros. Ye posible concursar con noveles o recopilaciones de cuentos, testos qu’han contar con una estensión mínima total de 50 fueyes.
Pela so parte, al dedicáu a la meyor traducción pueden presentase persones físiques o xurídiques responsables d’una torna dende llingües diferente a la castellana o’l gallego-asturiano editada nel 2020. El ganador, nesti casu, va recibir 6.000 euros.
Col Enriqueta González Rubín y el Florina Alías aumenten a siete los Premios Lliterarios. Nesti 2021 Ángel de la Calle mereció’l XIII Premiu Alfonso Iglesias de cómic con ‘Paez que nun foi ayeri’; Pablo Texón el XXIV Premiu Xuan María Acebal de poesía con ‘Cantar de ti mesma’; Ramón d’Andrés el XXVII Premiu Máximo Fuertes Acevedo d'ensayu con ‘Una ciencia ensin enfotu’; José Ángel Gayol el XLII Premiu Xosefa Xovellanos de novela) con 'La cafiante muerte de Nicolai Bostov'; y Xilberto Llano’l XIV Premiu María Josefa Canellada de lliteratura infantil y xuvenil con ‘Boliescritu de primavera’.
Efrén d'Andrés
