Baxen los contaxos, con una media diaria de 113 la selmana pasada

|
Coronavirus SARS-CoV-2 verde y azul

L'anterior rexistrárase la cantidá de 144.

Tres el frenazu nel descensu de la curva de la tercer fola de la COVID-19 por mor d'una mayor presencia nel país de la variante inglesa del coronavirus SARS-CoV-2, los contaxos tornen a descender. A falta de la espublización de los datos oficiales, la Conseyería de Salu detectó 350 esta fin de selmana –151 el vienres, 95 el sábadu y 104 ayeri– que ponen el total en 45.349 –l'actualización aumenta esta cifra en 14 hasta 45.363–, 790 na selmana última, qu'arrancó con 44.559. 

D'esta forma, la media diaria de casos nuevos quedó en 113, inferior qu'hai quince díes, cuando yera de 135, poniendo fin al posible rebote que se temía tres los 144 de l'anterior. La evolución de la tercer fola foi, dende l'entamu del añu, la siguiente: 78, 101, 167, 292, 421, 482, 383, 226, 154, 135, 144 y los actuales 113.

El sábadu la tasa de positividá a 7 díes díes asitiábase nel 4,79 por cientu –les cifres oficiales déxenla ayeri nun 4,86 por cientu–. Ayeri vivióse un xuba importante nel indicador diariu, con un 7,15 por cientu tres la realización de 2.041 pruebes de diagnósticu d'infeición activa, asemeyada a la del vienres, del 6,99 por cientu, que'l sábadu quedó nun 5,56 por cientu, polo que nesti aspeutu sí paez que sí hai una frenadura nel descensu.

8 finaos

Esta fin de selmana 8 persones perdieron la vida cola enfermedá cuasada pol coronavirus SARS-CoV-2, 5 muyeres y 3 hores: 2 el vienres y 3 el sábadu y el domingu. Dende qu'entamó la andanciu acumúlense 1.819 muertes.

Hai 221 pacientes hospitalizaos con confirmación o sospecha de COVID-19, a los qu'hai que sumar 89 que tán na UCI. Son 3 y 15 menos que'l xueves, de manera respeutiva.

 

Contador Estadistiques