Los datos de la pandemia dexen un únicu positivu y una muerte con COVID-19

Les cifres siguen siendo mui baxes nel país.

Los primeros datos comparatibles tres los cambios na manera de contabilizar los datos de la pandemia dexaron un únicu positivu'l martes por PCR con 2.113 muestres procesaes, pa poner el total de casos en 2.374. Mentes, hai que llamentar una muerte, la 304 del andanciu de COVID-19 tres nun considerar 14 rexistraes hasta'l domingu por nun tar confirmada por PCR la enfermedá causada pol coronavirus SARS-Cov2 nestes persones.

Na UCI hai ingresaes 3 pacientes menos (16) y en planta, 8 (52). El númberu de curaciones caltiénse en 1.314.