El sudafricanu y la británica foron los más rápidos na prueba elite del sábadu.

L'UP Langreo trai un bon resultáu d'Haro de cara a certificar el pase a la ronda definitiva pol ascensu a Segunda B en Ganzábal.

Incontestable foi'l trunfu del Caudal en Cayón esti sábadu por 0-2 con goles de Jaime y Quero, dambos na segunda metá. Deprendida la leición de Boiro, los d'Iván Ania salieron concentraos al partíu y nun concedieron nada al equipu cántabru. Asina, con un xuegu mui físicu, sentenciaron tres la reanudación, dexando too a favor de cara al partíu de vuelta, que va xugase'l domingu a les 18 hores.

La cuarta edición del programa 'Cantar presta muncho' va tener llugar esti domingu nel Teatru Xovellanos dividíu en dos sesiones, mañana y tarde. Nacho Fonseca coordina esta actividá que se desendolca a lo llargo del añu y que fina con esta gala.

Va celebrase'l domingu en Mieres.

El Grupu de Baiḷḷe Ruxidera entama un añu más esta cita col cuidao y la recuperación de les tradiciones asturianes consistente nun alcuentru y un conciertu nel que participen mozos y moces de dellos grupos folclóricos asturianos, amás d'un convidáu cántabru. Asina, el VII Festival Mozo Ruxidera va contar cola presencia de la Escuela del Grupo Folklóriko Trebeyu (Xixón), Ca la Música (Mieres), el Grupo de Danzas La Robleda (Ontoria), Cantu y Pandereta (Mieres) y el propiu grupu llocal Ruxidera.

Del 23 al 31 de xunetu, nel marcu del V Festival Arcu Atlánticu, va celebrase una edición nueva del Arcu Lliterariu, estaya que va centrase na lliteratura asturiana y na normalización. L'Asociación Cultural L'Arribada yá tien zarrada la programación d'un certame que va contar con convidaos de Galicia y Miranda de l Douro.

La diputada de Podemos Paula Valero llevó esti xueves al Plenu de la Xunta Xeneral l'ausencia de DOP asturianes na llista de marques d'indicación xeográfica qu'Estaos Xuníos respetaría nel TTIP. La conseyera acusóla de xenerar alarma.