El festival de Ruxidera axunta a mozos de dellos grupos folclóricos

Va celebrase'l domingu en Mieres.

El Grupu de Baiḷḷe Ruxidera entama un añu más esta cita col cuidao y la recuperación de les tradiciones asturianes consistente nun alcuentru y un conciertu nel que participen mozos y moces de dellos grupos folclóricos asturianos, amás d'un convidáu cántabru. Asina, el VII Festival Mozo Ruxidera va contar cola presencia de la Escuela del Grupo Folklóriko Trebeyu (Xixón), Ca la Música (Mieres), el Grupo de Danzas La Robleda (Ontoria), Cantu y Pandereta (Mieres) y el propiu grupu llocal Ruxidera.

L'Auditoriu Teodoro Cuesta va ser la sede del festival, con aniciu programáu pa les 18.30 hores. La entrada ye llibre hasta completar aforu.