Valero critica qu'Álvarez nun s'atreva a asumir "les futures perdes de les DOP asturianes na firma del TTIP"

La diputada de Podemos Paula Valero llevó esti xueves al Plenu de la Xunta Xeneral l'ausencia de DOP asturianes na llista de marques d'indicación xeográfica qu'Estaos Xuníos respetaría nel TTIP. La conseyera acusóla de xenerar alarma.

"Maria Jesús Alvarez nun foi quien a contestar a la entruga; nun tuvo'l coraxe d'asumir la futura perda de les Denominaciones d'Orixe asturianes na firma del TTIP", apunta Valero, qu'opina que la responsabilidá de la conseyera de Desarrollu Rural y Recursos Naturales, "como representante de los intereses agroalimentarios asturianos", ye la de "responder a una entruga cenciella sobre les perdes de les DOP". Asina, entiende que la conseyera "desprecia las filtraciones de Greenpeace como otros desprecien los papeles de Panamá, pero son documentos acreditaos que dexen nidio, nel primer casu, quiénes nun serán protexíos cola firma del TTIP".

La socialista, pela so parte, acusó a Valero de crear alarma y, ensin mostrase contraria al tratáu de llibre comerciu que negocien nel máximu secretu Estaos Xuníos y la Xunión Europea, sí demandó que los productos estauxunidense cumplan colos mestos estándares de seguridá alimenticia que los europeos, con una normativa muncho más rigurosa que l'americana. D'igual forma, calificó'l papel d'Asturies na negociación de secundariu al corresponder ésta a los estaos.