'Bestiariu en conciertu' aporta al Xardín Botánicu Atlánticu

|
'Bestiariu en conciertu' aporta al Xardín Botánicu Atlánticu

Esti sábadu, dientro l'actividá 'Los sábados na viesca de los neños', va celebrase la puesta n'escena d'ún de los discos favoritos de la reciella: 'Bestiariu'. Los intérpretes de los diez cantares van actuar pela nueche nesti espaciu del Xardín Botánicu Atlánticu.

FMM, Felpeyu, Los Bonsáis, Pauline en la Playa, Nacho Álvarez y el Quarteto Bendición, GuillerMomonje, La Villana, Dixebra, Muga y el corín de la Reciella, y David Varela con Pop Piquiñín (Petit Pop) van tar presentes en dellos formatos pa tocar los temes d'esti discu pensáu pal esfrute de tola familia, colos animales como filu conductor: la sacavera, el ratu, el catasol, la vacalloria, el gochu, el burrín, el xilgueru, el ñerbatu, el llobu y l'oriciu. 'Bestiariu' ta producíu por La Fabriquina y editáu por Araz.net, empresa editora tamién d'Asturies.com

El comienzu de 'Bestiariu en conciertu' ta previstu pa les 21.30 hores y tendrá una hora de llargor. El preciu de les entraes ye de 7 euros, siendo de baldre pa los menores de 3 años. Éstes pueden mercase nel propiu Xardín Botánicu Atlánticu o na rede al traviés d'esti enllaz.

Contador Estadistiques