El mes de xunetu finó con 80.083 paraos n'Asturies, lo que supón 3.370 menos en comparanza col mes anterior, según el balance últimu del Ministeriu d'Emplegu. Mentes, l'afiliación a la Seguridá Social aumentó en 4.428 cotizantes.
L'Abogacía del Estáu ta acabante de poner otru recursu contencioso-alministrativu contra'l Plan de Normalización Llingüística de Carreño pese a los informes xurídicos favoratibles al mesmu. La conceya de Cultura, Cecilia Tascón, afirma que con esta maniobra'l Partido Popular (PP) afita "la so aversión hacia l'asturianu".
Un error de la Fundación Municipal de Cultura, Educación y Universidá Popular de Xixón perxudicó la gala d'entrega de los Premios Timón, celebrada dientro del Festival Arcu Atlánticu. Ésta foi más curtia de los previsto y impidió l'actuación de Taranus.
Va celebrase en Cangas del Narcea, coincidiendo cola UABRA, que tamién acueye la charra 'Multiculturalidá ya inmigración nes aules asturianes' d'Isabel Hevia.
Nun va haber retayos nel plantiyes de les escueles de 0 a 3 años pal cursu viniente, según confirmó'l conseyeru Genaro Alonso. Les crítiques recibíes dende sindicatos y dellos conceyos del país lleven a la conseyería a rectificar y anular los recortes previstos.
La suspensión del conciertu que Divertia tenía contratáu con Francisco por mor de los sos comentarios sobre la vicepresidenta de la Generalitat Valenciana, Mónica Oltra, foi una decisión correuta pal 69 por cientu de los nuesos usuarios. El cantante fixo declaraciones machistes en redes sociales.
La base de datos llingüística cola que trabayen les empreses informátiques más importantes como Google, Apple o Microsoft, yá acepta a la llingua asturiana. "Ye un pasu tan importante como consiguir el locale 'ast'", espliquen dende Softastur, la comunidá asturiana d'usuarios que trabaya pa tornar software llibre al nuesu idioma.
