Día del Llibru Asturianu

Un eventu poéticu va recaudar perres p'ayuda a refuxaos en Grecia

|

Va celebrase en Cangas del Narcea, coincidiendo cola UABRA, que tamién acueye la charra 'Multiculturalidá ya inmigración nes aules asturianes' d'Isabel Hevia.

Esti iniciativa ta enmarcada na campaña 'Una chispa en Ritsona', población griega qu'acueye un campu de refuxaos sirios y d'otros países de la redolada. Consiste na recaudación de perres al traviés d'huches n'establecimientos de tol país o na cuenta en Caxa Rural ES13 3059 0019 3428 3383 3524 a nome de 'Asociación Una Chispa en Ritsona' –que cuenta con páxina en Facebook con tola información sobre'l proyeutu–, cantidá que va destinase a ayuda humanitaria. Amás, ta previsto'l desplazamientu esti mes de cuatro asturianes y un asturianu al llugar pa collaborar nel día a día del campu.

L'actu va desendolcase esta nueche, de magar les 22.30 hores, nel Bar Bambú de forma paralela a la Universidá Asturiana de Branu (UABRA). Ésti va consistir nuna timba poética cola participación de Laura Marcos, Moisés Cima, Miguel R. Monteavaro, Pablo X. Suárez, Xavi Cayado y Raquel F. Menéndez, y na rifa de llibros n'asturianu donaos pa la ocasión por Ediciones Trabe, Saltadera y los autores Paco Álvarez y Damián Barreiro.

Enantes, dientro de les xeres complomentaries de la UABRA, la Doctora en Pedagoxía y profesora ayudante Doctor del Departamentu de Ciencies de la Educación de la Universidá d’Uviéu, Hevia, va poner la conferencia 'Multiculturalidá ya inmigración nes aules asturianes', a partir de les 19 hores nel salón d'actos de la Escuela-Hogar de Cangas.

Contador Estadistiques