Al ‘Uroleaks’, yá en manes de la Fiscalía, podríen sumase próximamente irregularidaes nueves, nesti casu en Radioterapia del HUCA. Podemos recibió della documentación al respeuto, que ta anguaño estudiando al tiempu que critica la posición de Del Busto por “cargar contra’l qu’alza la voz y asoleya les inxusticies”.

Esti vienres va celebrase, tres l’ésitu del añu pasáu, la II Folixa de Nadal n’Avilés. Un cuentacuentos y una ufrienda’l nataliegu van preceder a la llegada de los Llendadores de la Ría, que van recoyer les cartes de los neños y neñes presentes pa L’Anguleru.

Los gallardonaos son la empresa Reteyaores y Gabino de Lorenzo na so estaya positiva y negativa, de manera respeutiva.

Los primeros reciben el Pegollu de la Xunta pola Defensa de la Llingua Asturiana (XDLA), premiu que reconoz a una entidá o persona que rescamplara pol so trabayu en defensa o promoción del asturianu. La firma del sector de la construcción asentada en Sariegu algama esti reconocimientu por llevar "alantre’l so llabor con especial procuru nel tratamientu y usu del asturianu en tolos soportes comerciales y sociales que manexa”.

Celébrense de baldre esti sábadu nel Muséu Arqueolóxicu y nel de Belles Artes.

El proyeutu pilotu entamáu pola Direición Xeneral de Planificación Llingüística y Normalización en collaboración coles dos instalaciones museístiques algama la segunda sesión tres l'ésitu de públicu de la primera. Naquella ocasión los visitantes pudieron conocer de la mano del guía oficial Denis Soria, y en llingua asturiana, el Paleolíticu y los maestros de la pintura asturiana, mentes que'l sábadu van tener la oportunidá d'averase a la Edá Media y a la pintura universal.

Esti domingu va producise la primer emisión d’un partíu de fútbol n’asturianu en TPA. Va ser el Lealtad-Coruxo de Segunda División B, choque que van comentar Miguel Fernandi y Nacio González y que va ser el primeru de munchos, yá que la intención de la direición xeneral del ente ye la de retresmitir al menos un alcuentru al mes.

Lleguen les fiestes navidiegues y, per cuartu añu, el ciclu ‘Escenines pa la Reciella’ protagoniza los eventos infantiles previstos pa estos díes nel país. ‘Reciella. Families pol Asturianu’ amplía nesta edición les actividaes que se celebren en Xixón a cinco, dos d’elles con sede nel Antiguu Institutu.

Tien 19 años y ye natural de Xixón.

El sábadu celebróse na Casa Cultura de Santuyano'l XVII Concursu de Gaita de Bimenes, competición que solía celebrase en branu coincidiendo cola Fiesta de la Oficialida y qu'esti añu retrasóse a avientu. Nél participaron seis gaiteros menores de 21 años –a fecha de 30 de payares–, que foron valoraos por un xuráu compuestu por José Ramón García Navia, Jesús Miguel Gómez Pellico y José Luis García Díaz.

‘Castrones a la carrera!!’ ye’l nome del cómic en llingua asturiana fechu polos alumnos y alumnes del Centru d’Apoyu a la Integración La Arboleya, asitiáu en Meres. El proyeutu, nel que participaron 17 persones, tuvo un llargor de 20 meses y podría completase nel 2017 con un curtiumetraxe sobre esti "culebrón asturianu".

El proyeutu ‘Castros marítimos asturianos a vista de dron (2017-2018). Les teunoloxíes nueves aplicaes a la investigación, conservación y difusión de los castros asturianos’ pretende documentar la situación de los 29 castros de la mariña catalogaos. Yá se fixeron delles pruebes nel de Punta’l Castiello.

El 96 por cientu de los usuarios d’Asturies.com que participaron en ‘Conceyu Abiertu’ consideren el pocu pesu políticu del país como’l motivu de que’l Gobiernu estatal nun acabe de saldar la deuda que caltién col asturianu polos fondos mineros bloquiaos por Mariano Rajoy. L’Executivu tien esti asuntu nos tribunales.