El pocu pesu políticu del país, motivu del bloquéu de los fondos mineros n’opinión de los llectores

|

El 96 por cientu de los usuarios d’Asturies.com que participaron en ‘Conceyu Abiertu’ consideren el pocu pesu políticu del país como’l motivu de que’l Gobiernu estatal nun acabe de saldar la deuda que caltién col asturianu polos fondos mineros bloquiaos por Mariano Rajoy. L’Executivu tien esti asuntu nos tribunales.

La entrugada plantegada nesta ocasión a los nuesos llectores yera ‘¿Considera que’l Gobiernu ta faciendo lo necesario pal cobru de la deuda del Estáu polos fondos mineros?’, a lo qu’un 96 por cientu respondió ‘Non, y ye una amuesa del pocu pesu políticu que tien Asturies’. Mentes, un 4 por cientu opina que ‘Sí, nun pue facer otra cosa que dir a los tribunales’. Anguaño, la cantidá adeudada pol Gobiernu estatal al asturianu asciende a los 355,5 millones d’euros.

Dende esti momentu yá ye posible participar nun ‘Conceyu Abiertu’ nuevu. Nesta ocasión queremos conocer si los nuesos llectores suelen recibir regalos n’asturianu nestes fiestes navidiegues que s’averen.

Contador Estadistiques