“Como presidente de l’Academia de la Llingua Asturiana unvié-y per corréu certificáu dos solicitúes d’entrevista”, reveló Xosé Antón González Riaño en referencia a la polémica xenerada por Belarmino Feito sobre'l supuestu costu de la oficialidá. El cabezaleru de FADE nun respondió a nengún de los dos pidimientos.

Tres toda una carrera musical xunto colos sos dos hermanos en Tejedor, Javier y Eva, José Manuel Tejedor ta acabante d’asoleyar el so primer discu en solitariu, ‘Miraes’. El gaiteru va presentar esti trabayu con un conciertu na Casa Municipal de Cultura d’Avilés.

La Federación Asturiana de Empresarios (FADE) asoleyó un comunicáu pola polémica xenerada poles declaraciones feches pol so presidente Belarmino Feito. Diz nun tar contra l’asturianu, que yá cuenta "con una importante dotación presupuestaria", y considera que la Llei d’Usu ye suficiente pa caltenelu.

L'actividá mensual de l'Asociación Cultural Ástura nel Atenéu Obreru de Xixón treslládase al vienres pa poder contar col doctor en Derechu y lletráu del Tribunal Constitucional.

El tercer martes del mes ye la fecha acutada pa la celebración de les charres mensuales sobre cultura asturiana d'Ástura, pero nesta ocasión la cita va pasar al vienres. La razón ye'l deséu del coleutivu de tratar un tema mui d'actualidá nestos tiempos últimos, como ye'l de modelu d'oficialidá que necesita Asturies, y pa ello contar con un espertu de la talla de José Manuel Pérez Fernández.

Tres nacer en La Pola Siero, esti festival qu'axunta poesía, arte, folixa y psicodelia pasa a celebrase esti añu nel conceyu vecín.

Les Escueles de Rozaes van ser sede de toles actividaes del Sacavera Sound, que va principiar el vienres a les 20 hores cola primer verbena poétika con pinchada musical como pieslle. El sábadu, a les 19 hores, va tener llugar el gran pasacaleyes, con salida nel entamu de la Ruta de los Molinos, pa siguir a les 22 hores cola segunda verbena poétika.

El voceru d'Izquierda Xunida (IX) recuerda al presidente de FADE que tamién hai un sector empresarial que se desarrolla n'asturianu.

Les declaraciones nes que Belarmino Feito nes qu'encamienta a los grupos parllamentarios a cuantificar lo que pue costar la oficialidá del asturiano son consideraes “inoportunes, esaxeraes y improcedentes” por Gaspar Llamazares. En primer llugar el diputáu afala a la cabeza visible de la FADE que se preocupe fundamentalmente del sector empresarial y del so futuru.

El Vetusta va disputar l'ascensu a Segunda División B col Multilvera navarru.

El Sporting B va debutar nuna fase d'ascensu a Segunda División A col actual formatu'l domingu al meudía en Catalunya col Unió Esportiva Cornellà, equipu que na so tercer temporada na categoría de bronce consigue metese na llucha por dar el saltu de categoría. Nun va ser un rival fácil pa los de José Alberto, que van tener la dificultá d'un prau artificial en non mui bon estáu y de dimensiones reducíes.

L’empresariu Inaciu Iglesias, que nun primer momentu valoró presentase a la eleiciones pa dirixir la FADE, censura la posición del so presidente Belarmino Feito sobre la oficialidá. “En términos económicos ye una inversión, non un gastu”, asegura al tiempu que llama a valorar “lo que nos costó nun tenela”.

Autoodiu, sentimientu d'inferioridá llingüística o clasismu nel usu social de les llingües son dalgunes de los calificativos qu’emplega la Xunta pola Defensa de la Llingua Asturiana (XDLA) pa describir les pallabres de Belarmino Feito, presidente de FADE, sobre la oficialidá. El coleutivu considera que son burlles “llamentables”.

La Conseyería de Desarrollu Rural y Recursos Naturales va destinar 3.875.000 euros al apoyu a la primer instalación a 155 mozos y moces llabradores. Tamién va crear una partida de 5.579.693 euros a 174 proyeutos de modernización d'esplotaciones ganaderes.