Estos díes ta previsto qu’Eilao dea’l pasu de solicitar la revisión de la so toponimia, zarrándose asina esta fase del procesu de recuperación toponímica. Hasta la fecha 59 de los 78 conceyos del país yá oficializaron los sos nomes de llugar tradicionales.

El diputáu Isidro Martínez Oblanca refugó concesiones a los independentistes na so intervención nel alderique pola moción de censura al Gobiernu de Mariano Rajoy y recordó a Pedro Sánchez los casos de corrupción del PSOE n’Asturies. Foro nun sofita dicha moción, que saldrá alantre colos votos d'EAJ-PNV.

Asturies recibió 448.212 turistes nel primer cuatrimestre, con un aumentu del númberu de viaxeros internacionales. Esta cifra supón un descensu del 7 por cientu en comparanza col mesmu periodu del añu pasáu, cuando se rexistró’l récor de 482.812 visitantes.

La banda liderada por Xuacu Amieva actúa nesti clásicu chigre xixonés.

El Café Trisquel, un referente de la música y del folk asturianu, celebra 35 años de vida. Pa celebrar esti aniversariu entamáse una folixa esta tarde que va tener como convidáu especial al grupu Dobra.

El xueves, a les 9 hores, va comenzar l’alderique sobre la moción de censura al Gobiernu estatal presentada pol PSOE de Pedro Sánchez. Mariano Rajoy refugó otra vegada dimitir nuna sesión de control celebrada esti miércoles nel Congresu onde los populares amosaron nerviosismu pola postura que pueda adoptar l’EAJ-PNV.

Esti llibru repasa los 45 años d'historia del grupu de teatru Telón de Fondo.

L'Hospital de Cabueñes va acoyer el xueves la X Xornada de Comités d'Ética pa l'Atención Sanitaria (CEAS) d'Asturies, con más de 150 participantes. La teunoloxía y la biótetica van ser los temes de reflexón d’esta iniciativa qu’inclúi meses redondes, conferencies y una representación teatral a cargu de profesionales del centru.

Tresllada la iniciativa La Fañagüeta de Les Rudes d'Avilés pa falar de temes políticos.

"L'AMAgüeta naz de La Fañagüeta, espaciu d'alderique feminista del coleutivu Les Rudes d’Avilés, como forma de plantegar cualquier tema d'interés y actualidá dende l'humor, la cercanía, la chancia y el feminismu", espliquen dende l'Asamblea Moza d'Asturies (AMA). La primer esperiencia con esti formatu va tener llugar mañana, a les 20.30 hores, en La Piel del Tripulante (San Xosé 2, Uviéu) y lleva'l nome de 'De perroflautes a feminazis; del 15M al 8M'.

Ye la segunda salida n'asturianu de les cinco previstes pela ciudá na edición d'esti añu.

Los 25 participantes, númberu llende pa esta iniciativa de baldre entamada pola Estaya de la Llingua d'Avilés, van poder conocer la historia y dellos secretos del parque La Madalena de la mano d'un guía en llingua asturiana. La cita ye'l vienres, a les 19 hores, siendo'l puntu d'alcuentru la entrada a la zona verde xunto al Centru d'Educación Infantil y Primaria Enrique Alonso.

Sixto Molina, secretariu xeneral de la Carta Europea de les Llingües Minoritaries o Rexonales, confirmó a Fernando Padilla que los espertos que faen siguimientu al cumplimientu de la mesma van desplazase a Asturies o Galicia n’ochobre o payares. El direutor xeneral acudió a València a la II Fira dels Idiomes.