Día del Llibru Asturianu

Los húngaros de Rumanía declaren la oficialidá del so idioma

|

Dellos alcaldes del territoriu de Székely declararon simbólicamente la igualdá del húngaru y rumanu, y piden a Bucarest qu'apruebe l'autonomía pa les provincies húngares.

Los Székely son el principal grupu húngaru de Rumanía, concentraos nes provincies d’Harghita, Covasna y Mureş, y pidieron asina’l Gobiernu que meyore na reconocencia d'esta comunidá.
 
Esta vegada, hasta 300 alcaldes y conceyales, principalmente integrantes del Partíu Cívicu Húngaru, celebraron el pasáu 12 de marzu un actu simbólicu nel que declararon la oficialidá del húngaru xuntu’l rumanu, y tamién alcordaron presentar una propuesta al Parllamentu rumanu pa qu’entame un procesu d’autonomía.
 
Per otru llau, van pidir al Parllamentu Européu que designe un unviáu especial pa esta cuestión y van declarar el 15 de marzu, día nacional d’Hungría, folixa local nos territorios Székely.
 
Sicasí, el primer ministru rumanu, Emil Boc, yá negó cualesquier concesión, mientres que’l ministru d'interior negó la validez de les demandes, amás los grupos rumanos tán pidiendo la illegalización de los partíos húngaros. Según el Conseyu Nacional Székely, estes decisiones son "llexítimes" porque fueron adoptaes y van ser aplicaes polos conceyales municipales qu'asistieron al actu.

Contador Estadistiques