El BOPA asoleya la nueva toponimia oficial de Siero

El Boletín Oficial del Principáu d'Asturies asoleyó esti martes 11 d'agostu'l "Decretu 104/2009, de 29 de xunetu, pol que s'afiten los topónimos oficiales del conceyu de Siero". La nueva toponimia foi aprobada na reunión selmanal del Conseyu de Gobiernu del pasáu 29 de xunetu. Les nueves denominaciones, aprobaes pola Xunta de Toponimia y yá col preste del Gobiernu asturianu y asoleyaes nel BOPA, pasen polo tanto a tener la consideración de denominaciones oficiales.

Los nuevos nomes oficiales de les parroquies del conceyu son los que vienen darréu: Aramil, Argüelles/Argüeyes, Santiago Arenas/Carbayín, La Carrera, Celles/Ceis, La Collá, Collao, El Cuto,    Feleches, Granda, Hevia, Lieres, Llimanes, Lugones/Llugones, Marcenao, Muñó, La Paranza, La Pola Siero, Anes/Samartindianes, Samartino, Samiguel,Santa Marina, Santa Marta Carbayín, Santolaya de Vixil, Tiñana, Trespando, Bobes/Valbona, Valdesoto, Viella.

El BOPA del martes 11 d'agostu que recueye'l decretu puede consultase nesti enllaz.