Gonzalo G. Barreñada completa'l so 2022 lliterariu col Teodoro Cuesta de Poesía
- Convocáu'l XXXI Premiu Teodoro Cuesta de Poesía
- ‘Pexe les manes’, d’Ureta, gana’l XXX Premiu Teodoro Cuesta de Poesía
- ‘El viaxe del cacique’, de Gonzalo G. Barreñada, algama’l XLIII Premiu Xosefa Xovellanos
- “L’Andrés Solar ye un premiu que me presta muncho por llevar un nome tan reconocíu na llingua asturiana”, espresa Gonzalo G. Barreñada
- El día 10 remata'l plazu pa presentar trabayos al XXXII Premiu Teodoro Cuesta de Poesía
|
5 Avientu, 2022 por Redacción
- Inicie sesión o rexístrese pa espublizar comentarios
Tamién consiguió'l XLIII Premiu Xosefa Xovellanos de novela con 'El viaxe del cacique'.
Depués de ganar nel 2019 el XXV Premiu Xuan María Acebal de poesía con ‘El llar n’orde’ (Ediciones Trabe), llibru que sería depués reconocíu pola Asociación d’Escritores d’Asturies col XXI Premiu de la Crítica na modalidá de poesía como'l meyor espublizáu nel 2020, Gonzalo González Barreñada lleva agora l'otru gran concursu d'esti xéneru en llingua asturiana, el Premiu Teodoro Cuesta de Poesía, qu'entama'l Conceyu de Mieres y qu'esti añu celebra la so trentena primer edición. Failo col poemariu 'Cartes al treslluz', que presentó baxo'l nomatu de Lord Holland.
El xuráu, presidíu pola conceyala Ana Belén Losa, cola téunica del SNL Luisa Suárez Sáez como secretariam tuvo conformáu por Pilar Fidalgo, Montserrat Garnacho, Pablo Rodríguez Medina, Esther Prieto y Milio Ureta, ganador l'añu pasáu con 'Pexe les manes'. D'ente los 12 trabayos presentaos decidiéronse pol del autor sotrondín, que lleva una recompensa de 4.000 euros y completa un gran 2022 no lliterario.
Na semeya, G. Barreñada nel mes d'abril na Llibrería Trabe xunto con exemplares de 'El llar n'orde'.
Efrén d'Andrés
