‘Pexe les manes’, d’Ureta, gana’l XXX Premiu Teodoro Cuesta de Poesía

El ribeseyanu Milio Ureta resultó ganador del XXX Premiu Teodoro Cuesta de Poesía, que lleva por unanimidá con ‘Pexe les manes’. Quince poemarios presentáronse nesta edición del prestixosu gallardón que convoca dende’l 1991 el Conceyu de Mieres.

Importantísimos nomes de la nuesa lliteratura tienen l’honor contar col Teodoro Cuesta. Autor de ‘Poemes del amor simétricu’ (Trabe) y traductor de ‘Song of Myself’, poema de Walt Whitman lleváu al asturianu como ‘Cantar de mi mesmu’ (Delallama), Ureta incorpora agora’l suyu a esta llista con ‘Pexes les manes’ y lleva la recompensa de 4.000 euros.

Esti poemariu resultó escoyíu por unanimidá pol xuráu conformáu por Xuan Bello, Xabiero Cayarga –ganador l’añu pasáu con ‘Mazanes d'iviernu’–, Esther Prieto, Pablo Rodríguez Medina y Daniel Blanco. Ana Belén Alonso, conceyala de Normalización Llingüística, fixo de presidenta y Ismael González Arias de secretariu, entrambos ensin voz nin votu.

Na imaxe, Ureta con un exemplar de 'Cantar de mi mesmu'. Semeya de Delallama Editorial.