El popular Fernández Mañueco convoca eleiciones anticipaes en Castilla y Lleón

El presidentente de l'autonomía vecina cesa a tolos cargos de Ciudadanos del so Gobiernu.

Los habitantes de Castilla y Lleón van acudir a les urnes el 13 de febreru, un movimientu col que Alfonso Fernández Mañueco busca torgar una posible moción de censura "inminente", afirmó que del "PSOE, Ciudadanos, Podemos, desertores y miembros d'otres fuercies polítiques" –los socialistes yá presentaron una en marzu–, que pilló por sorpresa a los sos socios. Asina, el vicepresidente Francisco Igea entérose de la convocatoria d'eleiciones anticipaes nuna entrevista radiofónica en direuto.

Éstes son les primeres eleiciones que s'anticipen na historia d'esta autonomía. A diferencia d'Asturies, nesta comunidá la llexislatura va ser de 4 años, nun tando obligada pol so Estatutu –modificólu nel 2007– a celebrales en mayu del 2023 xunto coles municipales, como asocedió equí coles del 2015, cuando Javier Fernández zarró un primer mandatu de namái 3 años depués de ganar nel 2012 les adelantaes por Francisco Álvarez-Cascos.

Na semeya, Fernández Mañueco na intervención, ensin aceptar entrugues de la prensa, d'esta mañana na qu'esplicaba la so decisión.